العدسات البرايم ” الثابتة ” والعدسات الزووم
العدسات البرايم ببساطة هى عدسات ببعد بؤرى واحد ما بتتحركش زى العدسة ال 35 او ال 50 او 85 وخلافه وده اللى بيخلى الكواليتى بتاعتها أعلى بكتير من العدسات الزووم حتى الزووم الغالية
وطبعا لإن العدسات البرايم فتحة العدسة بتبقى واسعة جدا فبتقدر تصور بيها بالليل بشاتر عالى نسبياً عن العدسات الزووم تاريخيا أول حاجة اتعملت كانت العدسات البرايم وبعد كده عشان يدوا مرونة اكتر للمصورين عملوا العدسات الزووم اللى بتبقى بتتحرك بين بعدين بؤريين زي 18-55 آو 18-135 آو 70-300 وهكذا
العدسات البرايم لحد دلوقتي فيها امكانيه عمل فتحات عدسة واسعة جدا وصلت في بعض الموديلات ل ٠.٩٥ يعني اقل من F1 و عشان نعرف الفرق الكبير والإضافة اللى بتعملها العدسة البرايم للى بيصور بيها تعالوا نشوف الفرق بين كمية الضوء اللى بتدخلها العدسة البرايم للسينسور و العدسة الزووم فى الجدول ده ( ملحوظة دلوقتي سيجما نزلت عدسات زووم بفتحه ١.٨ )
وطبعا بتفرق فى العزل و سرعه الشاتر اللي نقدر نستخدمها خصوصا في الإضاءة الضعيفة الجدول ده شارح الموضوع بالتفصيل
..
بخصوص الجودة فشركات العدسات مافاتهاش الموضوع فعملت العدسات الزووم اللى بتدى كواليتى عالية مقارنة بعدسات الزووم العادية لكنها مقدرتش توصل لجودة العدسات البرايم فى كل الأحوال
نيكون سمتها ال N Series
وكانون سميتها ال L Series
..
فى بعض العدسات الزووم أضيق فتحة عدسة بتتغير مع تغير الفوكال لينس اللى انت عليه يعنى فى ال 18-55 لو على 18 تلاقى اوسع فتحة ٣.٥ و اضيق فتحة عدسة
29
مثلا ولو على 55 تلاقى اوسع فتحه ٥.٦ اضيق رقم 36 وهكذا
نصيحة بقى ..عشان توصل لأعلى جودة ما تصورش ولا على أعلى رقم فتحة عدسة ولا على أقل رقم فتحة عدسة خصوصا في العدسات الاقتصادية
المصادر
Cambridge in colour
dpreview
digital-photography-school.com