من 6000 سنة ق.م ..وعلى الضفة اليسرى للفرات ..حدا من أجدادنا ابتدع من الحنطة المجروشة رغيف الخبز بشكله الحالي اللي عم ناكله هﻷ..وصنعه بكل الحب اللي بقلبه لحبة الحنطة ولتراب أرضه وخبزه عالتنور بحطب سجر يابس.. وصار هالرغيف هو غذاء كامل وكافي ﻷي انسان… ومن يومها لهﻷ نحنا منعتبر رغيف الخبز المقدس أهم شي بغذاءنا …يمكن هالحدا من أجدادنا اللي ابتكر الرغيف كان بيعرف انو رح يكون بزمنا هو الأكل الوحيد المبارك ﻷبطال بيجابهوا الموت عا كل الجبهات..و بيعملوا المعجزات ..يا رغيف الخبز رح حلفك بالحنطة وبالتنور ..كون خير وبركة عليهن وعطيهن القوة والصحة والصبر …قلن يسامحونا تقلنا الحمل عليهن كتير ..
وهنن كانوا قد الحمل ..فتحولنا بأرواحن طاقات النور …
وكانوا هنن الخبز والتنور…
