الرئيسية / Top News / الفنان المصري المبدع#أيمن_ لطفي.. يكتب عن #متحف_الفن_الحديث.. رأيى الشخصى وأظن يشاركنى فيه الكثير ..
الفنان المصري  المبدع#أيمن_ لطفي.. يكتب عن #متحف_الفن_الحديث.. رأيى الشخصى وأظن يشاركنى فيه الكثير ..

الفنان المصري المبدع#أيمن_ لطفي.. يكتب عن #متحف_الفن_الحديث.. رأيى الشخصى وأظن يشاركنى فيه الكثير ..

المعرض العام افتتح الحمد لله وأكيد كل عمل جماعي بالحجم ده له سلبياته واكيد له إيجابيات أكتر.. المعرض بيرصد جزء كبير من الحركة التشكيلية المصرية ومن مصلحتنا اننا نأكد علي الإيجابيات شوية ونبعد عن السلبيات لأن اكيد في تعب ناس كتير جدا خلف هذا الحدث من أول القومسير والمسؤلين وموظفي المتحف لحد العامل اللي تسلم ايده اللي شارك في دهان المتحف وخلاه بالشكل ده في أقل من شهر.. انا مشاركتش لأن المعرض العام بالنسبة لي كأنه بينالي دولي ولازم أقدم حاجة تليق بيه. وكنت مشغول بمعرضي الشخصي ولكن انشاء الله هشارك بندوة.. في نقاد مصريين متخصصين مشاركين بتحليل ورصد الأعمال المعروضة.. واحنا مش عايزين نبتدي بنشر السلبيات لأن كفايه أحداث كتيرة في مصر بيموت فيها الحلو الكتير بسبب التركيز علي نقطة سيئة واخرهم صالون الشباب ومهرجان السينما ومش هدخل في تفاصيل حاجات كتيره في البلد.. بس خلونا بجد نشوف النص المليان المرة دي وهو تجهيز متحف الفن الحديث بالسرعة الرهيبة دي؟؟ المتحف ده انا بداخله أسبوعيا منذ سنتين كل يوم خميس الصبح بحكم عملي كعضو لجنة وكل ما بدخل من باب المتحف بشعر وبحس بالحزن الشديد لهذا المبني المهجور المظلم اللي مخازنة مليانة كنوز تقدر بمليارات ومش شغال فيه الا الدور الأرضي فقط.. لما دخلت المتحف من الباب يوم افتتاح المعرض العام مصدقتش نفسي ان اشوفه كله منور ومليانة شغل وزوار بالحجم ده… خلونا نركز علي الحلو في المعرض العام ونبارك للعارضين وندي مساحة للاساتذة النقاد المتخصصين يقيموا العرض.. بس خلونا نركز بس بمطالبة السيده وزيرة الثقافة والسيد الدكتور خالد سرور رئيس قطاع الفنون التشكيلية.. بعدم غلق المتحف مرة أخري ابدا.. اللي اتجهز في شهر.. وان يتم افتتاحه بكنوزنا التشكيلية اللي الناس بتقف علي اي عمل منها بالطوابير خارج مصر.. فورا بعد المعرض العام.. وأؤكد فورا بعد المعرض العام. لابد أن يفتتح المتحف ولا يغلق مرة اخري. المتحف كان مهجور بمعني الكلمة لكن حاليا منظر يسعدك لما تشوف كل الأدوار مليانة ناس… انحني احتراما لكل واحد عمل لمسه إيجابية في هذا الحدث وكل واحد هيتكلم عن إيجابيات هذا الحدث.. ومتنسوش أن العالم كله متابعنا وبيتفرج علينا ولازم نثبت أن احنا اللي مش عايزين نرجع لورا.
مبروك النور اللي نور في متحف الفن الحديث.
أيمن لطفي
#متحف_الفن_الحديث

ربما تحتوي الصورة على: ‏‏منظر داخلي‏‏
  • Reda Abdelrahman أوافقك الراى فى النظر للإيجابيات ومبروك المعرض العام ، وأتمنى ان يعمل المتحف بكامل طاقته مثلك وبعدالة لاعمال الفنانين المعروضة وليس طبقا لأهواء شخصية كما كان فى الماضي ،واعتقد ان هذا سيحدث لثقتنا جميعا فى الإدارة الحالية ، لكن احب اطمنك ان العالم لايشعر سوى بالأحداث الدولية أما الأحداث المحلية كالمعرض العام فهى شان داخلى تحياتى وتمنياتى بان نرى الدورات القادمة أفضل
    • Ayman Lotfy

      Reda Abdelrahman يسلم كلامك يا صديقي الفنان الراقي.. مينفعش متحف تعرض فيه الأعمال طبقاً للاهواء الشخصية لأن ده يعتبر إلغاء وتزوير في التاريخ.. ثانيا لا اكيد العالم متابعنا وبيتفرج علينا وخاصة الدول المحيطة.. والا مكنوش بعتوا تمويلات.. أو بيحاولوا يبنوا متاحفهم من أعمالنا واثارنا.. وياريت تكون فهمت قصدي علشان مش نوضح اكتر ومش نزعل حد..
  • عزة مصطفى ايه سبب غلق المتحف ؟

    عزة مصطفىتم الرد بواسطة عزة مصطفى
  • يسري القويضي كلامك في محله محترم وله وزنه ومنطقه. …..نأمل أن يستجاب له …ويعاد فتح المتحف بعد انتهاء المعرض العام. …..خالص تحياتي لك يا صديقي وكل عام ميلادي جديد وانت بخير و سعادة.

    Ayman Lotfyتم الرد بواسطة Ayman Lotfy
  • Tamer Ragab كلام جميل و اتمنا ان يقام بالمتحف بعض الفعاليات الفنيه السنويه زي المعرض العام
  • Maha Mahmoud اكتر حاجه ايجابيه في الدنيا هو حضرتك وكلامك الجميل اللي دايما بيدينا طاقه ايجابيه وحب للحياه
  • Randa Fakhry اتفق مع حضرتك تماما .. يا رب ده يحصل
  • Thouria Amer هذا الصرح العظيم (متحف الفن المصرى الحديث) يمثل لى ما يقرب من نصف تاريخى الوظيفى عشقته لحد كبير جدا ك تحفة معمارية وك كنز يحتوى على كنوز فنية تشكيلية على مر أكثر من مائة سنة ،
    لو تعلمون قيمة مقتنيات هذا المتحف لتم التأمين عليه بمليارات،
    ذكرياتى به لعرض المزيد
  • Ashraf Zaki اتفق تماما مع حضرتك اتمنى بجد يحصل دة مصر فى احتياج للجمال وليس القبح