Manal Zaffour
انو اله البحر بوسيدون خلق افروديت ( فينوس.. آلهة الحب والجمال عند الرومان) من زبد البحر اللي اتجمع بقلب صَدفة كبيرة متل اللؤلؤ فكانت ملكة جمال الآلهات والمخلوقات…
فغارت جيا (الآلهة الأم الأرض) من بوسيدون وقررت انو تثبت قدرتها على خلق جمال مماثل ومتفوق على عمل بوسيدون… فأخدت من كلشي شوية.. من السعادة والتفاؤل والثقة والأمل و السكينة والتأمل والحب والنعومة والرقة والعذوبة و النبل والخلود والفتنة والسحر ورشتها بأروع العطور و رسمتها بأجمل الألوان وشربتها أصالة وعراقة التراب وتوجتها بالشمس..واعطتها شقفة من روحها .. وأهدتها الصمت.. فكانت ولادة “الوردة الدمشقية” ..”الجورية” أو” الداماسيان روز” (هيدا اسمها العلمي) ..
أجمل وأبدع الأرواح والمخلوقات.. وحبتها افروديت كتير وصارت رمزها المقدس..
وهيك صارت هالوردة مقدسة عند الآلهة والبشر..
ورح احكيلكن حكاية الوردة الدمشقية بعدين…..
