Fareed Zaffour
حراء بأصبعو 😍😍
“””المكونات
كاستين عدس اسود
بصلة حجم وسط مفرومة ناعم
نصف كاس زيت زيتون او كأس حسب الحاجة
ملعقة كبيرة توم مدقوق
بصلتين كبار مقطعين جوانح ومقليين بزيت زيتون ليصير لونهم ذهبي .. بنشيلهم من الزيت وبنتركهم على جنب لوقت الطلب ..
باقة كزبرة خضرا مغسولة ومقطعة
كاستين كبار عصير تمر هندي +عصير ليمونتين
ملح .. حسب الحاجة
خبز مقطع مقلي للتزيين
للعجينة .. 3 كاسات طحين ورشة ملح ونص كاسة مي .. بنعجنهم منيح وبنقطعهم مربعات صغيرة وبنتركهم مفرودين ع صينية وبينهم كمية كبيرة من الطحين مشان مايلزقوا ببعض .. ولما بدنا نضيفهم عالطبخة بننخلهم بمصفاية مشان ماينزل الطحين بالطبخة وتنتزع ..
“””الطريقة
منسلق العدس بكمية ماء مناسبة ٤كاسات تقريبا
بحط الزيت عالنار وفوقو البصل المفروم بقليه حتى يدبل
بعد ما اتأكدنا انو العدس استوى بضيف العدس و نضيف عصير التمر هندي .. والليمون ومنحط ملح وبضيف مرقة سلق العدس حتى تغلي ومناخد شوية عجين مقطع منحطهن بمصفاية وننخلهم منيح .. ومنضيفهم عالعدس شوي شوي ومنحرك شوي مشان ما يتكتل العجين ع بعض. .. ولما منخلص نخل كل العجين والتخلص من الطحين الزايد .. بضيف التوم المدقوق … نتركهم يغلوا لحتى يستوي العجين ويصير العجين غرقان بالطنجرة هي اشارة انو استوى .. يعني العجين اول مابحطو بيكون فايش عالوجه ..
هيك بتكون استوت الطبخة بضيف زيت زيتون يلي قلينا فبه البصل الجوانح منحركها ويمكن اضافة معلقتين طحين مع التحريك المستمر للوصول للزوجة المطلوبة منشيلهم عن النار .. ومنضيف نص كمية الكزبرة المقطعة وبنحركهم .. وبنسكبهم بالزبادي ونزينهم بالبصل المقلي وخبز مقطع ومقلي .. و رمان حب .. ويمكن قلي كزبرة وثوم وتزيين بها
والف صحة وهنا..😮