إيام #الانتداب #الفرنسي على #سورية 1920-1945 كان #بالشام وحدة فرنساوية اسمها #جانيت ‘وجانيت هي مرت ضابط #فرنساوي كبير
وهالضابط كان ساكن جنب #مكتب_عنبر وكانت مرته تتردد على #حي_الشاغور وصارت معروفة فيه وعملت جمعية #الرفق_بالحيوان .
ليوم كانت جانيت جاية من #البزورية للشاغور طالعة من زقاق #الدقاقين وبهديك الايام ما كان في حي #أبو_رمانة ولا #المالكي كانت كلها بساتين . وبزقاق #الدقاقين كان #طنبرجي محمل ع الطنبر حمل تقيل وقبل ما يصل #لباب_الصغير اللي #بالشاغور حرنت #البغلة -متل العادة- وبطلت اتجر الطنبر ، الحق معها الحمل تقيل . قام الطنبرجي قده ودلقه حمل #الكرباج وسفق طرق بها البغلة المكربجة ويقول للبغلة وهو بالعادة يحاكيها : شدي جميلة ( اسم البغلة ) دي يوس تع يوس ، لكن مافي خواص فالج لا تعالج .
قامت اجت الست #جانيت وشو شوفه شافت ! يوه حدا بيهون عليه بغلة تنضرب ! قامت اخدت هالكرباج من الطنبرجي وناولتو ضربتين وبربرت بالفرنساوي ورمت الكرباج ومشيت .
الطنبرجي ركد ع البغلة تبعو وصار يبوسها من رقبتها ومن وشها ويقول لها :
تقبريني جميلة تسلميلي ليش ما قلتيلي انه اختك جانيت جاية من #باريس لك ما كنت ضربتك منوب
النقل كما ورد من كتاب الأمثال الشعبية الشامية