مشارك كل من Salman AlAhmad و2 آخرين منشور Manal Zaffour.
الناس نوعين….ناس بتفيقهن الشمس..
وناس هنن بيفيقوا الشمس…
وطبيعة السوريين عبر التاريخ انن من يللي بيفيقوا الشمس..وهالشي انذكر على رقيم عمره شي 3000 سنة ق.م ..وجدته البعثة الفرنسية بتل مردوخ ..ايبلا .. بيقول الرقيم وعلى لسان تجار قدموا لسوريا من أقصى آسيا على طريق القوافل التجارية واللي صار اسمه فيما بعد ..طريق الحرير..:
****(بأرض الشمس .موطن اﻵلهة واﻷسياد..أهلها ، أنصاف اﻵلهة ، اﻷسياد … بيفيقوا قبل الشمس وبيغزلوا من أشعتها خيوط رقيقة شفافة وبينسجوا منها نسيج خلاب رائع الجمال.
( هو الحرير).. وبيصنعوا منه أثواب ساحرة وبيقدموها هدايا ﻵلهتن المحبوبة الربة عشتار …( واللي كان أحد أسماءها اﻷم النساجة)……****
طبعا اخدوه للرقيم مع مجموعة رقيمات الى فرنسا لدراسته وفك رموزه من تمانينات القرن الماضي ولهﻷ بعدن عم يدرسوه.!!!!!! .المهم اختفى الرقيم أو باﻷحرى غلطوا وحكوا عنه ونزل بغوغل صور للرقيم ومعلومات عنه وفورا ندموا وسحبوه واختفى الرقيم واختفت سيرته واسراره وضل مأسور بمتحف اللوفر بباريس مع الكنوز الشرقية الميزوبيتامية السورية والعراقية الثمينة اللي مابدن حدا يعرفها بهالزمان يعني لحتى ننساها نحنا.. وهنن يظهروها بالوقت المناسب بعد تبديل هويتها .. وبحجة انهم بيعرفوا يحفظوا آثارنا أكتر مننا نحنا الجهلة المتخلفين اللي حسب رأين لا نستحق ما نملك !!!..بس اللي ما بيقدروا ينكروه وهو موثق عند عدد كبير من علماء اﻵثار العالميين اللي ترجموا وصف لﻷم السورية عشتار من خلال ملاحم وأشعار الزجل اللي بتحكي اسطورة عشتار وتموز…كوصف زينتها وأثوابها المصنوعة من الحرير والقطن.. وهالشي بيدل على انو السوريين عرفوا الحرير زراعة وصناعة وحرفة ومهارة وابتكرولو أنواع بعدو العالم لهﻷ بيعرفها باسماءها السريانية القديمة متل الدمسق واﻷستبرق والسندس والديباج ..
هاد السوري هو انسان خلاق مبدع.. و صانع ماهر ..ومعلم .. وصاحب وعي وفكر خيير ..منتج ومبتكر..وأنا أؤمن بأنو هيدي صفات السوريين اللي نشأت على يدن الحضارة اﻹنسانية…
تقدس اسمك سوريا…*** و تحيا سوريا بأبناءها السوريين اللي بيفيقوا الشمس ***…
-
نعم الحرير خلق بسورية وعلمو العالم مهنته