ماهي العوامل أو الاسباب لإرتفاع سعر بعض العدسات ؟..بسبب اهميه المواد الزجاجيه المصنوعه من الاسفريكال و ED و S ED و كل ما كان عددهم كبير داخل العدسه سعرها يزيد..سبب غلاء العدسات لاتها بتقلل التشتيت اللوني والحدة ( الشارب ) بالصوره بيكون قوي جدا ..- ‏أكاديمية التصوير العربية‏ – ‏صلاح حيدر‏..Alaa El-Deeb artistic photography‎‏..

‏‎مشاركة ‏تحديث الحالة‏ لمجموعة ‏أكاديمية التصوير العربية‏ من قبل ‏صلاح حيدر‏.
‏‎Alaa El-Deeb artistic photography‎‏.

سؤال :

ليه فيه عدسات سعرها غالي جدا و عدسات اخرى سعرها رخيص ؟

بمعنى اخر ايه العوامل او الاسباب لارتفاع سعر بعض العدسات ؟
————————————————

الموضوع ببساطه شديده جدا اي جسم العدسه بتكون مكونه في داخلها من عده عدسات زجاجيه متتاليه داخل جسم العدسه ..

كل عدسه بيكون داخل عدد مختلف من العدسات الزجاجيه و مختلفه في ماده صنعها

اهم المواد التي تصنع منها هذه العدسات هي عدسه الاسفريكال aspherical و ميزتها انها سهلة التشكيل و بالتالي يمكن الاستغناء عن عدد من العدسات الزجاجيه مقابل استخدام واحده مصنوعه من الاسفريكال .
النوع التاني من المواد هو ED و دي اختصار ل extra-low dispersion
المعني الحرفي ليها هو تقليل التشتيت اللوني .

النوع التالت هو super ED يعني اقصي تقليل للتشتيت اللوني

طيب ايه هو التشتيت اللوني ده .. الموضوع بسيط برده بفرض انك بتصور شجره لما بتفتح الصوره على الكومبيوتر و تكبرها بتلاقي حواف ورق الشجر ظهر حواليها هالات لونيه مختلفه و ده يعتبر عيب .

العدسات العاليه بيكون مثلا داخلها عدد من العدسات الزجاجيه المختلفه و مصنوعه من الاسفريكال و ED و S ED .و كل ما كان عددهم كبير داخل العدسه سعرها يزيد

يعني لو اجمالي العدسات الزجاجيه 10 عباره عن اتنين اسفريكال و خمسه ED و تلاته S ED تبقى العدسه سعرها غالي جدا فوق ال 5000 جنيه و انت طالغ

لو اجمالي العدسات الزجاجيه 10 عباره عن 9 زجاج عادي جدا و وواحده اسفريكال تلاقي العدسه تمنها رخيص جدا ابتداء من الف ل تلات الاف .

كده عرفنا اهميه المواد الزجاجيه دي و انها سبب غلاء العدسات لاتها بتقلل التشتيت اللوني و حاجه كمان مهمه جدا الشارب بتاع الصوره بيكون قوي جدا . باختصار جوده الصوره بتكون عاليه جدا ..

في لقاء اخر هانتكلم عن فتحه العدسه و اهميتها ..

***في النهايه يا ريت نساعد في ان الصفحه تكبر و تنتشر و الفايده تعم الجميع .

تعليقات الفيسبوك

اضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.