أجمد 10 مصورين في القاهرة هيخلوا فرحك مايتنسيش
الأفراح تعتبر من أسعد المناسبات وأكبرها خصوصًا في مصر، ومن أهم الحاجات في الأفراح الصور الحلوة. صحيح منظمين الأفراح بيكونوا مسئولين عن كل حاجة، لكن المصور هو المسئول الأول عن الاحتفاظ بذكريات أهم يوم في حياتك. اللقطة الحلوة مالهاش مثيل.
كل عريس وعروسة في القاهرة بيعتبروا أن المصور الكويس عنصر مهم زي أي حاجة في الفرح، وأنك تلاقي واحد محترف حاجة مهمة جدًا جدًا.
القاهرة في الحقيقة مليانة مصورين، أو علشان يكون كلامنا أوضح، مليانة مصورين موهوبين يقدروا يقدموا لكم صور تعيش سنين وسنين، ومنهم:
سبلاش عندهم عدد من باقات الأفراح، أقل واحدة تبدأ من 6000 جنيه تشمل جلسة تصوير مدتها نصف يوم، لغاية 10000 جنيه لتصوير أحداث ما قبل الفرح وتغطية اليوم كله مع فيلم فيديو، وتعتبر سبلاش من شركات التصوير الكبيرة اللي اشتغل فريق عملهم في أفراح ومناسبات في بلاد زي تركيا والإمارات وأمريكا.
هو رجل الكاميرا الأول في عشرات من جلسات تصوير المشاهير، وكمان قدم عدد من أحلى صور عروض الأزياء والإعلانات، الرجل ده هو أبو سمره اللي يقدر كمان يعمل صور فرح مالهاش مثيل. أسعار باقات الأفراح عند أبو سمره تتراوح بين 6000-8000 جنيه.
يعتبر عمار الحمصاني من أحسن الاختيارات اللي معانا من ناحية الأسعار اللي تتراوح بين 2500-3500 جنيه لجلسة تصوير قبل الفرح وتصوير يوم الفرح بالكامل، أما سعر جلسة تصوير ما قبل الفرح لوحدها فبتكون بين 1000-1500 جنيه – أسعار معقولة جدًا طبعًا.
محمد أند سمير فوتوجرافي بيقدموا باقات أفراح متنوعة منها الباقة البرونزية (صور الفرح + حفلة الفرح) لمدة 6 ساعات، والباقة البرونزية (صور الفرح + حفلة الفرح) لمدة 8 ساعات، والأسعار عندهم تتراوح بين 3000-7000 جنيه.
تأسست إم بي ستوديوز MP Studios سنة 2010، وبيقدموا باقات تصوير أفراح تشمل تصوير طول اليوم بأسعار تبدأ من 5000 جنيه لغاية 7000 جنيه، والسعر بيختلف على حسب حجم الفرح وعدد المصورين اللي بيغطوا اليوم. الستوديو كمان عامل باقات تشمل تصوير جزء من اليوم زي الحفلة أو جلسة تصوير بملابس كاجوال وغيرهم، وبكده العريس والعروسة يقدروا يختاروا اللي يناسبهم.
ثري بي فوتوجرافرز 3B photographers
فريق ثري بي فوتوجرافرز المكون من ثلاثة مصورين محترفين جاهزين يعملوا من فرحكم يوم ممتع وذكري سعيدة تعيش معاكم طول العمر، وبيعرضوا عدد كبير من الباقات بأسعار بين 3000-3500 جنيه شاملة جلسة تصوير قبل الفرح وحفلة الزفاف وألبوم صور كامل وبوسترات وغيرهم.
جورو فوتو هاوس Guru Photo House
نحب نعرفكم بواحدة من أقوي وأحرف شركات التصوير وهي جورو فوتو هاوس، واللي ليهم شنة ورنة في عالم التصوير وطبعًا كله بثمنه. عمومًا لو قررت تختار جورو، أكيد هتحصل على حاجة مبتكرة. الأسعار بتختلف على حسب طلبات العريس والعروسة، لكن الأسعار بشكل عام بتكون بين 1000-2500 دولار.
صور أندي جبرا في الأفراح تشعر فيها بنوع من التلقائية والألفة، ومختلفة عن الشكل التقليدي للصور. باقات تصوير أندي بتبدأ من 2000 جنيه لتصوير مدته ساعتين لغاية 8500 جنيه شاملة تغطية كاملة ليوم الفرح وطباعة صور عالية الجودة. لمعلومات أكثر.
صور منجاوي واضح فيها الاختلاف في الستايل، وبيحاول يحافظ في صوره على البساطة والأناقة في نفس الوقت. أسعار منجاوي كمان معقولة جدًا، وبتتراوح بين 2000-6000 جنيه. لمعلومات أكثر.
فريق Bullseye Photographyبيتكون من مصورين محترفين من مصر وأمريكا، وباقات تصويرBullseye Photography تبدأ من 6000 جنيه لجلسة تصوير مدتها 6 ساعات لغاية 14000 جنيه لجلسة مدتها 10 ساعات، وكمان بيقدموا خدمات للمناسبات المختلفة.