الفنان المصري #أيمن _لطفي Ayman Lotfy ..يقدم لنا #حكاية_صورة..عن فتاة تونسية وجهاد النكاح في سورية..

لا يتوفر وصف للصورة.
#حكاية_صورةسنة ٢٠١٣ أيام حكم الإخوان اتفرجت علي فيديو بالصدفة فتاة تقريبا عندها عشرين سنة بتحكي رحلة جهادها في سوريا “جهاد النكاح” البنت كانت تونسية وسافرت سوريا للجهاد مع المجاهدين اللي خربوا كل الأديان السماوية ملخص حكايتها أنها لما سافرت استقبلها الرمة الكبير شيخ المجاهدين واخدها لنفسه شهر تقريبا وحكت أنها كانت معززة مكرمة وعاملها بالحسني افتكرت ان ده هو جهاد النكاح ولكن بعد شهر لقت الرمة الكبير بيقولها خلاص انتي كده هتبتدي الجهاد .. فرماها للمجاهدين فبتقول أنها كانت يوميا بيتجوزها واحد او اتنين وكل واحد ليقضي معاها تلات ساعات ويطلقها ويستلمها مجاهد تاني .. والموضوع ده استمر يوميا ..طبعا البنت ادمرت ومرضت ونزفت وبعد معاناه نجحت في الهروب وبعدين حكت قصتها في الفيديو ده وهو واظن كتير موجود علي اليوتيوب بس انصحكم بعدم المشاهدة. نيجي للحتة المهمة انا بعد ماشفت الفيديو ده تقريبا جالي مرض نفسي وشعور بفقد شهية ومعدة مقلوبة يوميا وشعور بألم نفسي رهيب وحسيت اني صعبان عليا كل بنات العالم وحجات كتير نفسية فظيعة وحالة ضيق لا تزول ودائما سرحان مش متخيل حد مر بالتجربة دي وبنات كتير علي وهم كلمة جهاد .. وانا مش من النوع اللي بلجأ لدكاترة نفسيين رغم ان ده صحي ومش عيب ..جربت اهدي نفسي فعملت حوالي سبع اسكتشات علشان أخرج الألم ده من جوايا ..قدرت انفذ منهم اتنين عايز اقول اني اقسم بالله بعد ما عملت الصور دي خفيت ورجعت انسان طبيعي ..حسيت اني غسلت نفسي من الموضوع ده ..طبعا انا اول مرة احكي الكلام ده بس لما عرضت الصورة الأولي سمتها “جهاد”, والتانية سمتها “بالساعة” صدقوا أن في حاجة اسمها العلاج بالفن
لا يتوفر وصف للصورة.
لا يتوفر وصف للصورة.
  • Howayda Salem مش عارفة أعلق أو أكتب أيه بالظبط .. عقلى وقف .. شل التفكير ..
    هل هؤلاء بشر فعلا ؟؟؟؟
    وأى نوع هم منه ؟؟؟ ده لو كانوا فعلا لهم نوع ..
    هل زرع الله فى صدورهم قلوب وهل نضجت فى أدمغتهم عقول ..
    فعلا عميت الأبصار والبصيرة
    ناس مغيبين بكل ما للكلمة من معنى وبأسم الدين الذى هو منهم براء..
    مجهود وعمل فنى عظيم شكرا لمجهودك ونأسف لتجربتك القاسية لسماع ورؤية هكذا أشياء لا تمت لأى شئ بشئ ..🌷🌷

نُشرت بواسطة

فريد ظفور

مصور محترف حائز على العديد من الجوائز العالمية و المحلية في مجال التصوير الفوتوغرافي.