الفرق بين تصحيح الألوان و تدريج الألوان | Color Grading & Color Correction
من الحاجات الى بتشدنى جدا للفيلم, هو ألوانه…الالوان كمان بتدى انظباع معين و بتوصل شعور معين للمشاهد.. –اعرف اكتر عن تأثير الألوان من هنا–
كان عندى خلط بين مفهومين..الحقيقة انا كنت فاكرة ان Color Grading & Color Correction حاجة واحدة..فكنت بختصرها و أقول coloring و خلاص..لكن لما دورت لقيت ان ده حاجة و ده حاجة تانية خالص..
اولا: تصحيح الألوان ( Color Correction)
واضحة من الاسم, اننا بنصحح -بنصلح- الألوان..بنرجعها لطبيعتها, بنصلح حاجات اساسية زى:
- Exposure
- ISO
- White Balance
- levels
- Gamma
وتصحيح الألوان مهم جدا, ولابد منه فى كل فيلم, مانقدرش نستغنى عن تصحيح الألوان فى حين اننا ممكن نستغنى عن الـ color grading فى بعض الأفلام.
فالمرحلة دى بنخلى كل الكليبات المستخدمة فى الفيلم ماشيين على نفس الوتيرة, زى مانكون بنوحدهم يعنى..كأنهم كلهم متصورين بكاميرا واحدة فى يوم واحد, بألوان صحيحة, يعنى الأبيض يبقى شكله أبيض فعلا, و الأسود أسود فعلا, والى بينهم كذلك.
و كده نبقى عملنا صورة صحيحة للفيلم, و جاهزة لأى اضافات زى الـ color grading.
مثال:
ثانيا: Color Grading
الـ Color Grading هو انك تاخد الى انت صلحته فى مرحلة تصحيح الألوان لمرحلة أبعد..بنغير درجات الألوان عشان نعمل ستايل عام للفيلم, و ستايل خاص للمشهد..وفى امثلة كتير تقدر تفهم منها الـColor Grading..
الــ Color Grading بيستخدم عشان تعمل بيه تأثير زمن ميعن, يعنى مثلا لو انت مصور الظهر و عايز تدى تأثير انه الفجر, او عايز تبين ان الأحداث دى حصلت فى الماضي, او تدى للفيلم look معين زي ما موضح فى الأمثلة الى فوق.
مش لازم تعمل Color Grading معقد و صعب, احيانا بيكوت التأثير البسيط أفضل.
ده كان الفرق بين تصحيح الألوان و تدريج الألوان بشكل مبسط جدا, لو عندك اى اضافة اكيد هنكون حابين نعرفها, اكتبهالنا فى كومنت..و شاركنا ايه اكتر فيلم بتحب الوانه, او الباليت المفضلة ليك.