إضافة 2 من الصور الجديدة من قبل Muammal J. Muhammed — مع صباح الجماسي و40 آخرين.
قبل ايام كنا في شارع المتنبي انا و بعض اصدقائي، وكنت احمل بيدي كاميرتي فأوقفني هذا الرجل وقال لي :
-عمو انتَ مصور؟
*اي عمو
-وين تشتغل؟
*مصور حر ما اشتغل بفد مؤسسة
-عمو تعرف اني الي أسس الكم جمعية المصورين بالعراق،
تعرف اني الي صَور الملك فيصل يوم تنصيبه، تعرف اني من اوائل الي دخلو الكامرات بالعراق، تعرف عندي اكثر من 300 جائزه بالتصوير، تعرف اني اول من دخل السينما المتنقله بالعراق، تعرف اني الي حطمت الرقم القياسي برياضة الدراجات وووو الخ …
عمو اني (محمد امين السعداوي)، كانت كلماته هذه ممزوجة بدموعه النقية، الصحفي والمصور والرياضي، هسة هذا حالي، مريض و مهمل و محد يسأل عليه ماكو واحد منهم دگ بابي فد يوم، وكان كل ردي على كلماته
*مع الاسف عالزمن
-عمو اريدك توصل صوتي بلكت يلتفتولي والله مريض اني
*استاذنا انتَ تاريخ حافل بالابداع فكان الاهمال حليفه
مع الاسف عالزمن
صدك لو گالوا العراق مقبرة المبدعين .
منقول
