Manal Zaffour
هاﻹله لطيف وظريف والكل بيحبه وهو حسب رأي الهنود هو اﻹله اللي اجا لعندن من الغرب من أرض الشمس (يعني سوريا) واسمه على اسمها. وهو أبو اﻹله (كانان اللي رمزه الفيل ولونه اﻷحمر ) وهو مابيكلف حدا بشي أبدا ..وطقس عبادته بسيط كتير ..حتى انو ماطلب من حدا يعبدو وما وعد حدا بشي ..لا بالجنة ولا بمكافآت .. هو بيجب ينبه اﻹنسان بإنو هو موجود و عندو عقل وبس.. و معبده هو ولاشي.. هو الفلا .. هو وين ماكان وكل مكان..و يعني : انو يعلقوا الهنود جرس بأي زاوية ..بالشارع بالغابة عا شي شجرة ..قدام باب البيت ..بأي مكان ..وطريقة العبادة أو الصلاة هي انو اﻹنسان يرن الجرس اذا مر من جنبه ..وبس!!..ببساطة هيك..!! يعني لمن بيرن اﻹنسان الجرس بينبه عقله انو يصحى ..يعني هاﻹله الظريف عامل حاله منبه للبشر…والعجيب انو بيرد عالصلوات و بيحقق اﻷمنيات والطلبات..بس تقلو كلمة السر وتسلم عليه انت وعم ترن الجرس وهي ” رام رام” يعني ” تعلا وتعلا” وهي معناها كمان مرحبا أو سلام بالهندي متل كلمة ” ناماستي “..
فاﻹله سوريا هو الشمس اللي بتنظم يوم اﻹنسان فبتفيقو بشروقها وبتوهبه الطاقة للعمل وانتاج الخير وبتعطيه الراحة مع غروبها ..
.مو عجيبي هاﻷسماء الهندية ومعانيها : سوريا (أرض الشمس)..كانان (كنعان)..رام رام (العالي) !!!