كتب الشاعر #هيثم وطفة..بالحروف والصور.. زجلية بعنوان:قالوا الشعر قلتلهن .. إحساس متل العطر.. اللي بورقة الفلي.. متل الزهر البيفيق قبل الناس.. وقت الفجر ..
قالوا الشعر
قلتلهن .. إحساس
متل العطر..
اللي بورقة الفلي
متل الزهر
البيفيق قبل الناس
وقت الفجر
وبيقعد يصلي
لما الشعر صادق
بيعبي الراس
متل الخمر
بالكاس.. بالدلي
ولولا الزهر في روح
ما بينباس
ولا ضحكتو
بتزين التلي
ومهما حكينا عالحلا والسحر
بتبقي عروس البحر
يا بانياس
وست الحلا والسحر
بتضلي.
هيثم وطفة.
