يرّد الشاعرالسوري#عبـَّاس _سليمان_علي في قصيدة #بعشقك ..على الشاعرة #فخرية_ رسلان (شهرزاد القصيدة)..وعلى الشاعر #سامي_ محفوظ..في ذي دوحتي .

قد تكون صورة لـ ‏شخص واحد‏
قد تكون صورة لـ ‏شخص واحد‏

ذي دوحتي . عبـَّاس سليمان علي
١٢ أغسطس ٢٠١٧ ·
==}{ بعشقك }{==
فخرية رسلان – شهرزاد القصيدة
“بعشقك …
خبّر جميع الناس
إني بعشقك …”
وانك قدر..
وخبّر كمان وقول إني نادرة ..
روحي إلك
ومش ناطرة ..
منك تجي
أو تبعت ورود وحكي ..
أو بيت شعر مبللة
حروفو بوَجَعْ
شوق و حنين
يزخ ع روحي مطر
ما تقول عني ضايعة
وصَرْلِّي سنين
مشربكة
خيوطي مع الايام
شربكها الهوى
ومش قادرة
ع غدرك وظلمك حبيبي
أشتكي …..
خبّر جميع الناس
إني ملبكة
بنطر لنص الليل
ت يمر القمر
بلكي عيوني بتلمحك
خلف البكي
تأكد حبيبي بعشقك
إي بعشقك
وع موجك العالي سفيني
أدمن جنون السفر
——** ——**——–

  • من وحي قصيدة للاستاذ الشاعر سامي محفوظ
    ــــــــــــــــــ
    ذي دوحتي . عبـَّاس سليمان علي
    ٢٠ ديسمبر ٢٠١٧ ·
    سامي محفوض
    في تعليقه على الرّائعة فخرية رسلان – شهرزاد القصيدة
    متلك أنا..
    بِنْهُد عَلى السِّكَّيتْ
    ومْزنَّر بـْ أحلام منسوجة..
    بـْ ألف (يا ريت)
    من حقِّك تْقولي..
    أنت كذاب ما حبَّيت
    من حقِّك تْقولي..
    عَلى قلبي الوفي تْجنَّيت
    لكن أنا ..
    مسجون بالقانون
    قانون بَيِّي وْبَيِّك المسنون
    الـْ بيعاقبو نبْض القلب ..
    أوقات
    وبْيِجْلدو عَ الظن ..
    نظرات العيون
    وْخايف إذا يا غاليي..
    تْمادَيت
    عْليك..
    أبوكي..
    يْهدَّ سقف البيت
    لـَنُّـوأنا من مذهب الكفار
    وْمحكوم أتلظَّى بـْ سعير النار
    وْكرمال هالقيد الغبي..
    تْخلَّيت
    عن نَبَض قلبي..
    يا بعد قلبي
    وْباقي مْزنَّر بيـ ألف (يا ريت).
    • مع مودتي.. يسعد مساك أستاذة أوغاريت مع حروفك التي أحب
    ** وكانت قصيدتها الجميلة :
    …}{ مراوغ }{ ..
    ’’’’’’’’’’’’’’’’’’’’’’’’ فخرية رسلان ,,,,,,,,,,,
    بتحبني …؟؟!!
    طعنات حبك بعد
    عم تنزف وجع
    لا جيتْ …
    لا داويتني …!!
    من دون سببْ
    لك قول :
    قلي شو السبب
    جافيتني
    بعدي ع أول سلَّمة
    ما طلعتْ…
    بعدي
    متل شي عاشقة
    ومش عاشقة
    ع حفّة النهدي
    وقفتْ …هديت ْ
    قيس المسافة
    بين راحة قلب
    وشراع التعب
    والعاصفة تزمجر غضب
    بتحبني …؟؟!!
    من وين بتجيب الكذب
    وتراوغ شفاف العتب
    حيرتني …

تعبتني !!

قد تكون صورة لـ ‏‏شخص واحد‏ و‏ابتسام‏‏

نُشرت بواسطة

فريد ظفور

مصور محترف حائز على العديد من الجوائز العالمية و المحلية في مجال التصوير الفوتوغرافي.