Salman AlAhmad إلى الغرف الزراعية السورية
زراعة الاسطح
تكملة المنشور ٨
محلول مغذي تعديل سماد متوازن عشرينات
تعليقا على محلول مغذي استخدم سماد مركب ١٢_١٢_٣٦
الازوت ١٢ يعني ب ٤٢٥ متوازن فيها. ٤٨ جرام ازوت و ايضا استخدم نترات بوتاسيوم نسبة الازوت في ١٢٥ جرام هو ٤٠
مجموع الازوت اصبح ٩٨ جرام في المحلول A
ومجموع الازوت في المحلول Bهو تقريبا ١٢٥ جرام
اصبح المجموع ٢٢٣ جرام ازوت
بوتاسيوم في النترات 42.7 جرام وفي السماد المركب ١٥٣ جرام المجموع 195.7 تقريبا 196 جرام
الفسفور في المركب ٥٠ جرام
لاحظو النسب ازوت والبوتاس متقاربتان والفسفور قليل جدا وهنا العيب الذي يخل هذا المحلول
لنجرب ١٠٠٠ جرام متوازن عشرينات يعني 20_20_20
سيحوي علي ٢٠٠ جرام فسفور و٢٠٠ جرام ازوت و٢٠٠ جرام بوتاس لنرجع للنسب الاولى ازوت ٢٢٣ بوتاس١٩٦ فسفور ٥٠ لاحظو تقارب النسب بين استخدام متوازن فقط وبين خلطت المتوازن والنترات باستثناء الفسفور قلنا انه قليل ويجب رفعه لل ٢٠٠
خلاصة القول ان استخدام كليو متوازن عشرينات اجنبي محلول في عشر ليتر ماء يماثل النسب العالمية ويعمل معكم بكفاءة عالية يبقى هناك نقص في المغنسيوم والكالسيوم والحديد لاحظو ان اي سماد متوازن يكون مكتوب جنب النسبة عبارة ET هذه تعني انه يحوي عناصر صغرى ايضا حديد وبورون ومنغيز ومغنيزيوم ونحاس وغيره يعني تقريبا كافي وان حدث وتمت مشاهدت نقص عالنبات يتم تعويض النقص برش الاوراق بخليط عناصر صغرى مرة كل ١٥ يوم كافية ووافية ومن غير تعقيدات بالنسب والتراكيز هذا من ناحية المبدأ الان نحل الكيلو متوازن عشرينات مع عشره ليتر ماء ونفحص الحموضة لان الحموضة لايمكن التساهل معها يجب ان يكون PH المحلول بين 6.5_7
هنا انت بحاجه لجهاز لقياس الحموضة او عالاقل اوراق كاشفة لانك ستقرأ الحموضة يوميا طول مده الزراعة
اذا كانت الحموضة اقل من ٦ نضيف هيومات بوتاسيوم او كربولا. بكميات قليله ونقيس حتا تصل للرقم المذكور سابقا ٦ونص او سبعة
وان كانت الحموضة اعلى من ٧ تضيف عدة قطرات من الخل او عدة حبيبات ملح ليمون ينزل الرقم للحد المناسب
يعني لابدك up ph ولا down ph لانهم بالحقيقة لهم نفس تاثير الخل او السيتريك والكربولا
بالنسبة لتخفيف المحلول ودفعه في نظام الزراعة المائية هنا عدة طرق منها تقنية الفيلم المغذي وتقنية المحلول الساكن والنظام المفتوح والمغلق السريع والمغلق البطيئ هدول الاشيا للمزارع الكبيرة لاتعقدوا حالكن فيا انتو ممكن تضخو المحلول مرة الصبح ومره الضهر ومره بالليل بواسطه مضخه تسحبه من الدبجانه او الخزان وتدفشه بالانابيب وترجعه عالخزان وتاخذ قراءة الحموضه قبل التدوير
بالنسبة لتخفيف المحلول المغذي العشر ليترات السابقة تخففهم بمية ليتر ماء وهذا يلي رح يدخل المنظومة يعني تخفف تركيز العشر ليتر باضافتهم ل ١٠٠ ليتر يصير الشغل تمام بقا عندك نقطة وهي تعديل التراكيز لان رح ينقص كمية السماد في المحلول بشمل يومي اما من امتصاص الجذور له واما من الترسب في الانابيب لسبب او لاخر لذا عليك ان تقوم بتعديل التركيز واضافة سماد جديد للمحلول الداير في المنظومة بشكل اسبوع والحقيقة مافي رقم محدد لكمية الاضافه لسبب انو في متغيرات كتير مثلا في بداية نمو نباتات المنظومة جذورها ماتسحب كتير مغذيات لكن مع زياده نمو المجموع الخضري والازهار والاثمار يحدث استنزاف تدريجي وتصاعدي للمحلول المغذي الداير لذا يجب ان تضيف كمية من السماد وبشكل متزايد بشكل اسبوعي ورح توصل لمرحلة الاضافة اليومية باوج النمو والانتاج بس مافي داعي للقلق فيكن تضبطوا الكمية المطلوب اضافتها بطريقتان الاولى باستخدام مقياس الحموضة نفسه والثانية باستخدام مقياس لساتني عم اشتغل ع صنعه وتجريبه ورح علمكن صنعه من افومتر المهم خلونا بالمتاح وهو مقياس الحموضة رح يسالني واحد شو علاقة الحموضة بكمية السماد يلي بدنا نضيفها او شلون رح يدلنا عالكمية الناقص الجواب بسيط خود كمية مي معروفة الكمية مثلا مقدار كاسة وحط ملعقة سكر دوقها حلوه حط معلقتين تصير احلا لاحظ هون كمية الماء ثابتة والمتغير هو الحلاوة …..نفس الشي بمنظومتنا لدينا مية ليتر محلول وحموضتها رح تكون فوق السبعة يعني في سماد مستنزف بتبقا تضيف سماد لحد مايصير رقم حموضة هذه المئة ليتر بين الستة ونص والسبعه وقتا بتكون رجعت التركيز للاساس يلي انطاقت منو لاحظ هالشي صحيح وقت تكون كمية المحلول مية ليتر عالضبط هون هاد صار ثابت
طيب انت لاحظت انو كمية المحلول بعد اسبوع نقصت طبعا بسبب التبخر من النبات ومن الخزان فرضا من المية ليتر بعد اسبوع بقو ثمانين ليتر شلون بدك تعرف كم لازم تضيف سماد الجواب بتكمل حجم المحلول للمية ليتر باضافة الماء وبس يصير مية تقيس رقم الحموضة وتضل تحط سماد ليصير ضمن النطاق بيكون اعتدل معك التركيز والحموضة والكميات والنسب
يلي مافهم شي وبده ينفذ الطريقة بقول انو كل ماذكرناه من مواد فيها متوفر بالصيدليات الزراعية باستثناء نترات البوتاسيوم هذا شبه مستحيل تحصلوه في حل انك تشتري بارود صيد اسود تحله بمي هو مركب من نترات بوتاسيوم وكبريت وفحم يلي رح ينحل بالمي هو النترات ويبقا عالق معاكم الكبريت والفحم فلتر المحلول وبخر ميته عحراره الشمس مو عالغاز بيشعل رح يرسب معاكن ملح هو نترات البوتاسيوم ويشتغل باي طريقة بده اياها
في طريقة ثانية لانتاج البارود بس بعتذر منكن مابقدر اطرح هيك مواضيع خوفا من اساءة الاستخدام المهم يلي ذكرتلكم اياهم كافية
يمكن مانسينا شي …..مع تحياتي الحارة اخوكم م.حسام الحسام وهذا الشرح حصري وغير موجود الا في كروبنا زراعة حديثة والسلام عليكم ورحمة الله وبركاته