ببلاد ما بين النهرين يعني بلادنا وعلى ضفاف دجلة و الفرات ومن حوالي خمسة آلاف عام…
اخترعوا أجدادنا شي اسمه المقايضة بالتجارة يعني كانوا يعملوا اتفاقات مباشرة بين طرفين ليحصلوا على حاجاتهن.. يعني التبادل العيني للسلع والبضايع المتنوعة .. واذا كانت السلع متفاوتة بالقيمة كانوا يدفعوا مايوازيها من بضايع او أشياء قيمتها أعلى من السلعة المطلوبة وكانوا يستخدموا الحبوب. /الشعير/ كوحدة قياس الوزن.. اسمها شقلة=وزنة بعدنا لهلأ مستخدم هالكلمة بلهجتنا العامية..
شِقل_ سِقل_ شِكل _ويعني بالآكادية (والآشورية والفينيقية والسريانية.. الخ) = ثقل.. وزن.. مقدار.. وصارت بعدين اسمها شيكل شيقل .. واستخدموا كوسيط نقدي الأحجار والفخار والأحجارالكريمة والذهب والفضة والكهرمان والخرز.. و اللؤلؤ والصدف..وبعصور لاحقة استخدموا النحاس الأصلي والرصاص والحديد المستخرج خاصة من النيازك .. وكانوا يصبوها بقوالب طينية بأشكال بدائية دائرية وبيضوية ….
طبعا انذكر الشيقل بسنة 2250ق.م بشريعة حمورابي بقوانين العقوبات بدفع الشيكلات كتعويض للمتضرر…
المهم انو (هالشيكل.. الشيقل) ( اي مظبوط هو نفسه اللي سرقوه اليهود واعتمدوه كعملتهن الوطنية) .. ومنقوش عليه نفس رموز الشيقل البابلي والكنعاني .. فيه سنابل قمح وحبوب شعير وزهرة اللوتس..ماعدا الآلهة عشتار..ما حطوا رمزها..
فكان الشيقل.. أول أشكال النقد ( المصاري_ العملة) المعروفة اللي سكوها أجدادنا من خمس تلاف سنة لحتى تفيدنا وتسهل الأمور علينا.. ولخدمتنا وتأمين احتياجاتنا… ونشروا التعامل بالعملة والنقد بكل اصقاع العالم القديم..
يعني من الآخر و من دون لف ودوران شو رأيكن باختراع أجدادنا مو تاع الشيكل.. نثق..نثق… لأ..
هداك.. اختراع المقايضة و تبادل السلع؟ وإلا شو؟؟؟
-
Roula Khalil الشيقل يعادل 8 غرامات
